深圳米芝蓮素食「慶春樸門」實試！CP值滿分人均$80！交通方法

如果想去深圳搵素食，米芝蓮推介餐廳「慶春樸門」係唔少素食者首選，餐廳位於深圳南山區萬象天地內，地鐵站就到到，「慶春樸門」無論服務、食物質素、裝修佈置都係超高質，難怪一直好評如潮，筆者有家人食素，每次上深圳玩都必食！今次筆者就跟著她，實試「慶春樸門」！亦都會講下排隊、必叫美食心得。

和風日式設計

一入門口以和風設計，日式庭園，有種淨化心靈感覺，好似去咗一轉小京都。門口有排隊區，有水果茶、餅乾、座位讓等候嘅市民稍作休息。至於店內環境方面，都是以簡樸日系裝飾，進入室內先經大型開放式廚房，好似一個個日式的美食攤檔，分開各種類別，有創意西餐、點心、鐵板煲仔、川菜、甜品等區域，畀客人欣賞廚師製作過程。

各個和風包廂／卡位

全店以優雅和風風格，店內有打卡位好多。儘管有時客人比較多，但整體並不會顯得嘈雜。我們被安排在自成一角卡位，裡面的裝飾簡潔雅致，非常符合這家餐廳的主題。帶一家大細、老人家來餐廳都非常適合。

「慶春樸門」實試！必點推介

今次我地一行4人，點了近10種菜式飲品。其中包括：紫蘇牛油果、榛果糙米漿、椒麻鮮腐竹、生煎包、桂花荔浦芋泥、椒鹽猴頭菇等

1. 榛果糙米漿

一上枱噴煙，非常適合打卡！平來以為係凍飲，點知入口係暖嘅，有濃濃榛果味，米漿不太黏口，非常順滑。

2. 椒麻鮮腐竹

絕對係必點之選，一上台馬上搶食！嫩滑腐竹加上川味椒麻醬汁，筆者平時不太食腐竹，太今次也加入搶食一員！

3. 紫蘇牛油果

紫蘇牛油果，是用日式方法製作的牛油果刺身，配上了特製醬油和芥辣，加有新鮮蕃茄粒，口感十足。

4. 生煎包

呢款唔係太特別，內為滿滿的菇菌餡料，皮厚內餡比較乾，不推介。

5. 桂花荔浦芋泥

只售$6 桂花荔浦芋泥絕對係必點之選！抬抬都會叫，淡淡桂花香味，甜甜地好啱作為開胃菜！

6. 黑松露炒飯

幾乎每枱客人都必點！加入黑松露之外，還有各種蔬菜食材，非常足料，4個人食，每人可以食到一至兩碗！一班人食飯絕對係必叫菜式。

6. 椒鹽猴頭菇

非常惹味椒鹽猴頭菇，酥炸猴頭菇及四季豆，加入椒鹽粉，雖然猴頭菇是主角，不過四季豆比酥炸猴出色，食四季豆好似食薯條般。

6.果木炭火湯系列

果木炭火湯系列，真材實料煲足三小時，價錢比起其他菜式較貴，大約人民幣$30-46一盅。今次叫咗南瓜湯、以及煨羊肚菌舞茸湯，「煨羊肚菌舞茸湯」是盅湯系列最出色的一款，家中長輩👴嚟食過五六次，每次都必叫煨羊肚菌舞茸湯。

7.「慶春樸門」米糕

「慶春樸門」新出品米糕，內有紅膽餡，口感非常特別，鬆軟似年糕外層，內有紅豆陷，唔會太甜，老人家食都唔會有負荷。店外都擺一盒盒「慶春樸門」米糕畀大家買來帶回家，似乎想打造成為手信。

8. 香草素雞塊

被真正麥樂雞好食！炸到非常脆，咬開去一絲絲「肉絲」（豆皮製作？）分明，如果唔話你聽係素食，你大概以為真係食緊麥樂雞。

9. 自製鮮山楂烏梅汁

味道超濃，幫助消滯，推介餐後點，幫助消化。

服務天花板級

入座後店員為我地介紹各種美食，亦都會跟佢你嘅喜好推介。當日，遇上有菜式比預定時間等得比較耐，店員主動送上飲品，但其實我地都未有感到等太久。最令筆者感到驚喜是當日家中長輩與招呼我們的店員閒聊時，店員分享素食理念，她說希望改變大家對素食想發，喜歡上素食，為環境作一分力。感覺好對餐廳理念十分認同，而不是「打份工」。

價格便宜

價格相對便宜，唔少菜式都是十幾蚊，10蚊樓下菜式份量較少，如果想要吃飽的話，就需要點很多碟。我們四個人食了10多道菜，差不多花了人民幣350元左右。無論環境、食物質素、服務都非常優質。

慶春樸門交通方法

慶春樸門位於南山區萬象天地內 3樓地裡巷，地鐵1號線新高園站，如果從「1號線」羅湖口岸出發 ，一條線到高新園站A出口，全程34分鐘！而如果從「4號線」福田岸出發 ，先到會展中心站再轉乘「1號線」高新園站A出口。到達商場3樓後再到戶外區「裡巷」。

羅湖口岸出發（34分鐘）	1號線：羅湖站>高新園站A出口
福田岸出發（27分鐘）	4號線：福田岸出發 >會展中心站 轉乘1號線：會展中心站 >高新園站A出口

慶春樸門排隊攻略

慶春樸門早上十一點開門，不過香港公眾假期會提前半小時開，建議十點半到達。就不用等太久了

慶春樸門 地址： 深圳灣萬象天地裡巷3F
營業時間： 11:00am

總體來說，慶春樸門無論是食物的味道、價錢，還是服務水平，都讓我們覺得非常滿意。儘管這並非我們非去不可的餐廳，但值得推薦給尋找素食體驗的朋友們。